Anthony Martial er einfaldlega ekki nógu góður leikmaður fyrir Manchester United.
Þetta segir Roy Keane, goðsögn liðsins, en hann sá leik United við Liverpool í dag þar sem Martial var ekki upp á sitt besta.
Frakkinn klikkaði á góðu færi í seinni hálfleik og er Keane ekki mikill aðdáandi hans.
,,Anthony Martial kom til Manchester United og stóru strákarnir skora á stóru á stóru augnablikunum,“ sagði Keane.
,,Klúðrið hans í seinni hálfleik lýsir hans ferli hjá United. Uppbyggingin var frábær en þú verður að hitta markið. Engin afsökun.“
,,Alvöru framherjarnir sem eru lengi í minningu stuðningsmanna hitta markið og skora. Þess vegna er þessi náungi ekki alveg nógu góður fyrir Manchester United.“