Jadon Sancho hefur gert allt vitlaust í Þýskalandi, með því að kaupa sér nautasteik sem er gullhúðuð. Stekina fékk Sancho þegar hann fór í jólafrí í Dubai, steikin kostar tæpar 50 þúsund krónur.
Það er hinn vinsæli Salt Bae, sem selur steikurnar á stað sínum út um allan heim. Steikin er einkar óvinsæl í Þýskalandi og er merki um hroka, að mati Bild sem er þýskt dagblað.
Allt varð vitlaust í Þýskalandi fyrir ári síðan þegar Franck Ribery, þá leikmaður Bayern fékk sér steikina á þessum sama stað. Hann þurfti að biðjast afsökunar.
Fjölmiðlafulltrúar Dortmund eru ekki sáttir með Sancho, að hann hafi sett myndir af þessu á samfélagsmiðla og búið til sérstakt myndband um þessa heimsókn sína.
Sagt er að það sé óskrifuð regla í Þýskalandi að birta ekki myndir ef þú ætlar að fá þér þessa steik, það sé merki um heimsku og hroka að kaupa svona dýra máltíð. Vitað er að knattspyrnumenn í stærstu liðunum þéna rosalega en fólk vill ekki vita af svona hlutum.