Rostov, liðið sem Ragnar Sigurðsson lék með í Rússlandi hefur sent frá sér yfirlýsingu. Þar er umfjöllun um Ragnar í Rússlandi svarað. Í fjölmiðlum í Rússlandi hefur því verið slegið upp, að Ragnar glími við áfengisvandamál.
Það er langt frá sannleikanum miðað við yfirlýsingu Rostov, félagið segist hafa samþykkt beiðni Ragnars um að rifta samningi. Vegna þess að hann hafi alltaf, komið vel fram og staðið sig í einu og öllu.
,,Í dag, komu fram upplýsingar sem eru ærumeiðandi fyrir fyrrum fyrirliða félagsins, Ragnar Sigurðsson. Það eru lygar að halda því fram að Ragnar glími við áfengisvandamál. Ragnar hefur sannað sig sem frábær atvinnumaður, þann tíma sem hann hefur verið hérna,“ segir í yfirlýsingu félagsins.
,,Ragnar er persóna sem er alltaf hægt að treysta á erfiðum tímum, þess vegna var hann fyrirliði hérna. Ragnar bað um að rifta samningi sínum hérna, við vildum gera það fyrir Ragnar vegna þess að hann lagði sem fram í hverjum einasta leik og hefur góða mannkosti. Við viljum vara fjölmiðla við að fjalla ekki um mál sem þeir hafa ekkert vit á.“
Ragnar er nú í viðræðum við lið í Tyrklandi og svo sitt gamla félag FCK í Kaupmannahöfn. Ragnar er 33 ára gamall og hefur átt farsælan 13 ára feril í atvinnumennsku auk þess að vera einn besti leikmaður íslenska landsliðsins.