Hörður Snævar Jónsson skrifar frá Elbasan:
,,Maður reynir að sofa vel og borða vel,“ sagði Jón Daði Böðvarsson, framherji íslenska landsliðsins við okkur í Albaníu í dag. Liðið kom til Tirana í gær eftir fimm tíma flug frá Keflavík.
Jón Daði var á skotskónum gegn Moldóvu á laugardag en liðið mætir Albaníu, í Elbasan á morgun.
Það vakti athygli í Vikunni með Gísla Marteini, á RÚV. Þegar Jón Daði ræddi við Berglindi Festival á föstudag um að honum finnist í raun fremur leiðinlegt í viðtölum, við báðum hann að útskýra það í þessu viðtali.
,,Þú getur ekki alltaf verið hreinskilinn, það getur aftrað manni. Maður getur ekki sagt hvað sem er, stundum myndi maður vilja það. Maður þarf að vera fyrirmynd og getur ekki sagt hvað sem er.“
Viðtalið við Jón er hér að neðan.