Antoine Griezmann klikkaði á vítaspyrnu um helgina er lið Frakklands vann 4-1 sigur á Albaníu.
Griezmann er yfirleitt öruggur á punktinum en honum tókst ekki að skora í sigri helgarinnar.
Griezmann kennir eiginkonu sinni um það en hún er vön að horfa á alla leiki Frakklands en missti af viðureign laugardagsins.
,,Ég veit ekki hvað gerðist. Ég veit það ekki. Ég sagði það áður að þetta gæti verið konunni minni að kenna því hún horfði ekki á leikinn,“ sagði Griezmann.
,,Ég hafði verið á góðu róli en við getum ekki skorað í hvert skipti. Ég verð bara að vinna ´´i þessu.“