Það er óhætt að segja að framherjinn Alvaro Morata sé ánægður með að vera laus við Chelsea.
Morata var seldur til Atletico Madrid í sumar eftir að hafa spilað þar í láni á síðustu leiktíð.
Spánverjinn er himinlifandi með að vera kominn til Atletico endanlega og segir það vera það besta sem gat mögulega gerst.
,,Að fara til Atletico var það besta sem gat mögulega gerst fyrir mig,“ sagði Morata við EFE.
,,Það myndi þýða svo mikið fyrir mig að vinna titla með Atleti, meira en áður því þetta er öðruvísi.“
,,Það eru stórir leikmenn sem hafa farið annað, sérstaklega stórir karakterar.“
,,Ég vildi óska þess að þeir væru ennþá hérna en allir þurfa að taka sína stefnu á ferlinum.“
