Leikmenn Atletico Madrid hafa verið gríðarlega hrifnir af bakverðinum Kieran Trippier síðan hann kom til félagsins.
Frá þessu greinir the Daily Mail en Trippier skrifaði undir samning við spænska liðið í sumarglugganum.
Trippier hafði áður spilað með Tottenham og er einnig hluti af sterku ensku landsliði.
Samkvæmt fregnum þá mætti Trippier í ótrúlega góðu formi til Spánar og hafði tekið sér lítið frí eftir að tímabilinu lauk.
Trippier var staðráðinn í því að spila á þessari leiktíð og var „skrímsli“ strax á fyrstu æfingu félagsins.