HB í Færeyjum hefur staðefst að Heimir Guðjónsson sé á leið heim til Íslands. Hann mun taka við Val sem lét Ólaf Jóhannesson fara.
Heimir vann deildarmeistaratitilinn á sínu fyrsta tímabili þar og vann HB bikarinn á þessu tímabili.
Heimir náði stórkostlegum árangri með FH áður en hann hélt út og er nú á heimleið.
Heimir tekur við af Ólafi Jóhannessyni en Valur hefur staðfest að samningur hans verði ekki framlengdur.
Gengi Vals var erfitt í sumar en liðið hafði áður unnið tvo deildarmeistaratitla í röð.
Heimir ku gera þriggja ára samning við Val samkvæmt miðlum í Færeyjum.