fbpx
Föstudagur 10.júlí 2020
433Sport

Sögusagnir um FH koma Ólafi Inga í opna skjöldu: „Vil klára tímabilið áður en ég ræði málin“

Hörður Snævar Jónsson
Mánudaginn 23. september 2019 12:45

Ekki missa af Helstu tíðindum dagsins í pósthólfið þitt

Lesa nánar

Ólafur Ingi Skúlason, leikmaður Fylkis kom að fjöllum þegar blaðamaður bar það upp við hann, hvort hann gæti verið á leið í FH. Fram kom í Dr. Football í dag að möguleiki væri á að Ólafur færi Í FH.

Þar var sagt að FH hefði áhuga á að fá Ólaf sem leikmann en að hann myndi einnig þjálfa 2 flokk félagsins.

,,Ég er að heyra þetta í fyrsta sinn,“ sagði Ólafur og heyra mátti að hann var hissa að þessi saga væri á flugi.

Ólafur er 36 ára gamall og kom heim fyrir rúmu ári. Samningur hans við Fylki er á enda eftir tímabilið, hann hefur verið orðaður við þjálfarastöðuna hjá félaginu. Hann segist ekki hafa átt neitt samtal um það.

,,Ég vil klára tímabilið áður en ég ræði málin, ég gæti tekið annað tímabil sem leikmaður. Ég vil klára tímabilið almennilega og svo skoða ég málin, ég þarf að ræða við fjölskyldu mína um framhaldið. Ég er í fínu standi, það er ekkert þannig sem kemur í veg fyrir að ég spili. Svo fer þetta eftir því hver verður þjálfari.“

Ólafur hefur eftir heimkomu verið að mennta sig sem þjálfara og neitar því ekki að hugurinn leitar þangað. Fylkir leitar að nýjum þjálfara, ákveðið var að semja ekki aftur við Helga Sigurðsson.

,,Ég hef áhuga á á að þjálfa, maður spilar ekki endalaust og þetta er það sem maður kann best. Ég hef unnið við fótbolta, frá því að ég var unglingur. Mig langar að reyna að miðla af minni reynslu, svo veit maður aldrei hvernig það gengur. Það er ekkert merki á milli þess að vera góður leikmaður og góður þjálfari. Ég hef mikinn áhuga á þessu og er að afla mér þekkingar, planið er að láta á það reyna. Ég er að undirbúa mig undir framtíðina með því að taka stigin hjá KSÍ.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

433Sport
Í gær

Yngsti leikmaður sögunnar til að fá rautt spjald

Yngsti leikmaður sögunnar til að fá rautt spjald
433Sport
Í gær

HK náði stigi gegn ÍA – Grótta vann öruggan sigur

HK náði stigi gegn ÍA – Grótta vann öruggan sigur
433Sport
Fyrir 2 dögum

Gary ekki stoltur af því sem gerðist í gær: ,,Ég er enginn svindlari“

Gary ekki stoltur af því sem gerðist í gær: ,,Ég er enginn svindlari“
433Sport
Fyrir 2 dögum

Gylfi harðlega gagnrýndur: ,,Sé hann ekki borga það til baka“

Gylfi harðlega gagnrýndur: ,,Sé hann ekki borga það til baka“