Breiðablik í Pepsi Max-deild karla hefur ákveðið að reka þjálfara sinn Ágúst Gylfason.
Þetta var staðfest í kvöld en Ágúst mun kveðja Blika eftir lokaleik deildarinnar gegn KR um næstu helgi.
Gengi Blika var ansi gott í sumar en liðið er búið að tryggja sér annað sæti deildarinnar fyrir lokaumferðina.
Ágúst hefur undanfarin tvö tímabil þjálfað Blika en félagið vill nú breyta til.
Tilkynning Breiðabliks:
Knattspyrnudeild Breiðabliks hefur nýtt sér uppsagnarákvæði í samningi milli Ágústar Gylfasonar og knattspyrnudeildar Breiðabliks.
Ágúst mun láta af störfum sem þjálfari meistaraflokks karla að loknum leik Breiðabliks og KR þann 28. september n.k. þegar núverandi keppnistímabili lýkur.
Knattspyrnudeild Breiðabliks þakkar Ágústi kærlega fyrir hans frábæru störf sem þjálfari síðustu tvö ár og óskar honum velfarnaðar í framtíðinni.