Zinedine Zidane, stjóri Real Madrid, er undir pressu þessa stundina eftir erfiða byrjun á tímabilinu.
Zidane er orðaður við sparkið og er talað um að Jose Mourinho sé á leið aftur til félagsins.
Frakkinn nennir ekki að hlusta á þessar sögusagnir og segir að þær hafi engin áhrif.
,,Ef ég les blöðin þá er sagt að ég sé farinn. Ég finn bara fyrir styrk,“ sagði Zidane við blaðamenn.
,,Ég hef lært það að gefast aldrei upp og halda áfram að vinna þar til á síðustu stundu.“
,,Þessar sögusagnir um Mourinho hafa engin áhrif á mig. Þetta er eins og það er. Ef þú tapar einum leik hérna þá þarf allt að breytast.“