Roy Keane, fyrrum leikmaður Manchester United, hefur skrifað undir samning við sjónvarpsstöðina Sky Sports.
Þetta var staðfest í gær en Keane mun starfa sem sérfræðingur út tímabilið í ensku úrvalsdeildinni.
Keane þekkir það vel að vinna í sjónvarpi og hefur einnig verið reglulegur gestur á stöðinni ITV.
Keane er enn með metnað sem þjálfari en eins og staðan er þá hefur hann ekki fengið spennandi tilboð.
Írinn var frábær leikmaður á sínum tíma og gerði garðinn helst frægan á Old Trafford í Manchester.