Ben Foster tjáði sig í gær eftir leik Watford og Manchester City sem fór fram í Manchester.
Watford spilaði alveg ömurlegan leik og tapaði að lokum 8-0 fyrir Englandsmeisturunum.
Foster þurfti að sækja boltann átta sinnum í netið og var að vonum súr eftir leikinn.
,,Þetta er smá sjokk og bara skammarlegt,“ sagði Foster spurður út í tilfinninguna eftir leik.
,,Við ollum okkur og stuðningsmönnunum vonbrigðum í dag. Stuðningsmennirnir gáfu allt í þetta en við gerðum það ekki.“
,,Sem markmaður, ef þú færð á þig fimm mörk á 20 mínútum gegn liðum eins og Manchester City og Liverpool þá óttastu það versta.“
,,Þeir eru án efa besta lið sem ég hef mætt á ferlinum. Það var stundum magnað að fylgjast með þeim.“