Wilfried Zaha, leikmaður Crystal Palace, sendi liðsfélögum sínum væna pillu í fjölmiðlum í gær.
Zaha er besti leikmaður Palace en hann veit af því og segist ekki geta gert allt á vellinum.
Zaha vill sjá liðsfélaga sína gera meira en Palace hefur aðeins skorað þrjú mörk í fyrstu fimm leikjunum.
,,Eins mikið og ég get gert á vellinum þá get ég ekki spilað allar stöðurnar,“ sagði Zaha.
,,Ég gef 100 prósent í leikina en það eru 11 menn á vellinum og allir þurfa að gera sitt.“
,,Ég sinni mínu starfi en það eru hinir sem þurfa að sinna sínu.“