Luka Kostic, þjálfari Hauka, var súr á svip í kvöld eftir tap gegn Gróttu í Inkasso-deild karla.
Haukar töpuðu 4-0 gegn Gróttu í lokaumferðinni og eru á leið niður í 2.deildina.
,,Tilfinningin er ömurleg. Það er þögn og öllum líður illa,“ sagði Luka.
,,Leikurinn var allan tímann þannig að við klúðruðum færum og þeir skoruðu. Strákarnir spiluðu alls ekki illa.“
,,Leikurinn var að mörgu leyti góður en úrslitin eru hræðileg.“
,,Það er erfitt að segja hvað klikkaði. Ég átti mjög skemmtilegan tíma með strákunum og við náðum í tvö flott úrslit. Þetta endaði ekki vel en það er ekki hægt að kenna strákunum um.“
,,Ég held að klúbburinn eigi að hugsa hvað þeir hafi gert rangt. Sumarið var upp og niður.“