Ástbjörn Þórðarson lék með Gróttu í Inkasso-deildinni í dag er liðið tryggði sæti sitt í efstu deild.
Ástbjörn hefur upplifað ótrúlega viku en hann er í láni hjá Gróttu frá Íslandsmeisturum KR.
Ástbjörn tók þátt hjá KR fyrr á tímabilinu og getur nú fagnað tveimur titlum í röð.
,,Þetta er geggjað. Ég gæti ekki beðið um meira. Þetta er bara ótrúlegt,“ sagði Ástbjörn.
,,Ég trylltist eftir lokaflautið. Ég man ekki eftir því, þetta er besti dagur lífs míns held ég.“
,,Þetta hefur verið geðveikt. Þetta er mikið af strákum sem ég þekki og hef spilað með – ég var fljótur að koma mér inn í hlutina.“
,,Ég hafði mætt á alla leikina fyrir og vissi hvað þeir væru að gera.“
,,Ég fer í KR eftir tímabilið og reyni að komast í liðið en maður veit ekki hvað gerist.“