Pep Guardiola, stjóri Manchester City, viðurkennir að hann sé í vandræðum með miðvarðarstöðuna.
Bæði John Stones og Aymeric Laporte eru meiddir og geta ekki leikið með City í dágóðan tíma.
City notaði Fernandinho og Nicolas Otamendi í 3-0 sigri á Shakhtar Donetsk í Meistaradeildinni í gær en sá fyrrnefndi er miðjumaður.
,,Ég efaðist ekki um að Fernandinho gæti gert þetta,“ sagði Guardiola eftir sigurinn.
,,Nico er 31 árs og Fernandinho er 34 ára. Næsti möguleiki er Eric Garcia sem er 18. Ég veit ekki hvað gerist á næstu m´nauðum.“
,,Við þurfum aðra lausn. Kannski Rodri eða Kyle Walker. Þeir geta ekki spilað alla leiki á þessum aldri.“
