Jesse Marsch er ekki nafn sem allir kannast við en hann er þjálfari og kemur frá Bandaríkjunum.
Marsch er nú hjá Red Bull Salzburg í Austurríki en hafði áður verið aðstoðarþjálfari RB Leipzig.
Marsch hefur byrjað afar vel hjá Salzburg og er liðið með fullt hús stiga eftir fyrstu sjö umferðirnar í Austurríki.
Hann sá svo sína menn spila við Genk í Meistaradeildinni í gær og vann liðið frábæran 6-2 heimasigur.
Marsch varð um leið fyrsti Bandaríkjamaðurinn til að stýra liði í Meistaradeild Evrópu.
Marsch er 45 ára gamall og kemur frá Wisconsin en hann þjálfaði áður New York Red Bulls í MLS-deildinni.