KR varð Íslandsmeistari í Pepsi Max-deild karla í gær en liðið sigraði þá granna sína í Val, 1-0.
Valur hefur undanfarin tvö ár verið sterkasta lið landsins og vann áður meistaratitilinn tvö ár í röð.
Það er hins vegar KR sem fagnar titlinum þetta árið en Pálmi Rafn Pálmason tryggði liðinu sigur og titilinn á Hlíðarenda.
KR-ingar komu færandi hendi á Hlíðarenda í gær en Valsmenn fengu gjöf frá píluvinafélaginu.
Sú gjöf er til minningar um Atla Eðvaldsson sem lést nýlega eftir baráttu við krabbamein.
Atli er goðsögn í íslenskri knattspyrnu en hann bæði þjálfaði og lék með báðum liðum.
Falleg gjöf sem má sjá hér.