Sigurbjörn Hreiðarsson, aðstoðarþjálfari Vals gæti verið að taka við Fylki ef marka má Dr. Football.
Kristján Óli Sigurðsson, sjálfur Höfðinginn sagði frá þessu. Helgi Sigurðsson er að láta af störfum eftir tímabilið hjá FYlki.
,,Þetta stendur honum til boða eftir að Viktor Bjarki Arnarson sagði nei,“ sagði Kristján Óli.
Óvissa er með þjálfaramál á Hlíðarenda, þar sem Sigurbjörn starfar. Gengi Vals hefur verið vonbrigði í sumar og skoðar félagið stöðuna.
Sagt er að Heimir Guðjónsson hafi átt í viðræðum um að taka við Val, því er framtíð Ólafs Jóhannessonar og Sigurbjörns í lausu lofti.
Fleiri nöfn eru orðuð við Fylki en Sigurbjörn er ofarlega á blaði ef marka má þátt dagsins hjá DR-num.
Sigurbjörn hefur reynslu sem aðalþjálfari en hann var áður þjálfari Hauka.