Edin Dzeko, leikmaður Roma, vonar að félagið muni kaupa Henrikh Mkhitaryan endanlega frá Arsenal.
Mkhitaryan var lánaður til Roma í sumarglugganum og skoraði í sínum fyrsta leik fyrir félagið í gær.
Dzeko er aðdáandi armenska landsliðsmannsins og vonar að hann verði lengi hjá Roma.
,,Ég býst við þessu af honum. Ég þekki hann sem frábæran leikmann og hann er frábær viðbót við okkar sóknarsinnaða lið,“ sagði Dzeko.
,,Ég er 100 prósent viss um að hann muni hjálpa okkur. Þessi félagaskipti gerðu mig mjög ánægðan.“
,,Hann er frábær atvinnumaður og ég man eftir honum hjá Dortmund. Hann verður stór leikmaður hérna og verður vonandi hérna lengi.“