ÍBV í Pepsi Max-deild kvenna er búið að tryggja sér áframhaldandi veru í deild þeirra bestu.
Þetta varð staðfest í gær en ÍBV lék við Fylki í næst síðustu umferð í gær og spilað var í Eyjum.
Þeim leik lauk með 2-0 sigri Eyjastúlkna og er því ljóst að Keflavík fer niður ásamt HK/Víkingi.
Eftir leikinn var það staðfest að Andri Ólafsson muni taka við kvennaliði eftir tímabilið.
Jón Ólafur Daníelsson hefur stýrt liðinu undanfarið og mun stíga til hliðar eftir síðasta deildarleikinn.