Manchester United ætlar að reyna að skipta á leikmönnum við Real Madrid á næsta ári.
Það er þýska blaðið Bild sem greinir frá þessu en United hefur áhuga á að fá miðjumanninn Toni Kroos.
Kroos hefur verið hjá Real í fimm ár en hann kom til félagsins frá Bayern Munchen.
Real hefur áhuga á að fá Paul Pogba í sínar raðir og gæti verið reiðubúið að skipta við United á leikmönnum.
Óvíst er hvort Kroos vilji spila á Old Trafford en Pogba er meira en opinn fyrir því að fara til Spánar.