Kjartan Henry Finnbogason átti flottan leik í Danmörku í dag en hann leikur með liði Vejle.
Það voru ekki mörg íslensk mörk á dagskrá í Evrópu en Kjartan var heitasti Íslendingurinn.
Kjartan og félagar í Vejle unnu 3-0 sigur á Hvidovre í áttundu umferð dönsku B-deildarinnar.
Kjartan skoraði tvö mörk í þessum sigri en Vejle var að vinna sinn þriðja leik í röð.
Liðið stefnir á að komast upp og er nú fjórum stigum á eftir toppliði Fredericia.