Það kom mörgum á óvart þegar Marcelino var rekinn frá liði Valencia á dögunum eftir gott gengi á síðustu leiktíð.
Valencia vann spænska bikarinn á síðustu leiktíð og komst í Meistaradeild Evrópu á nýjan leik.
Peter Lim, eigandi Valencia, ákvað þó að reka Marcelino nýlega og er hann með ótrúlega útskýringu á því.
,,Ég er alveg viss um það að þetta hafi gerst eftir sigurinn í Copa del Rey,“ sagði Marcelino.
,,Á meðan tímabilinu stóð þá fengum við bein og óbein skilaboð um að við ættum að gleyma keppninni.“
,,Stuðningsmennirnir vildu þetta og leikmennirnir líka. Þeir voru sannfærðir um að geta unnið.“
,,Þeir sögðu mér ekki af hverju þeir vildu ekki vinna bikarinn, bara að þetta væri lítil keppni og gæti komið niður á baráttunni um Meistaradeildarsæti. Þar fór allt af stað.“
,,Eigandinn óskaði okkur ekki til hamingju eftrir sigurinn. Mér var óskað til hamingju fyrir að komast í Meistaradeildina en ekki fyrir Copa.“