Þrátt fyrir erfitt ár þá á Brasilíumaðurinn Neymar skilið að vinna verðlaunin virtu, Ballon d’Or.
Þetta segir Ander Herrera, liðsfélagi Neymar en hann kom til félagsins frá Manchester United í sumar.
Ballon d’Or verðlaunin eru afhent besta leikmanni heims í lok hvers árs.
,,Neymar er einn af fimm bestu leikmönnum heims og hann kemur til greina í Ballon d’Or ásamt Kylian Mbappe,“ sagði Herrera.
,,Ég er spenntur fyrir því að spila með Neymar. Það er frábært fyrir mig. Þetta er magnað tækifæri fyrir mig að spila með þessum leikmönnum.“
,,Við ætlum að sjá til þess að hann eigi sitt besta tímabil og að hann verði jafnvel betri.“