Ólafur Kristjánsson, þjálfari FH, var öskuillur í kvöld eftir 1-0 tap gegn Víkingum í úrslitum bikarsins.
Pétur Viðarsson fékk beint rautt spjald í seinni hálfleik og er það ákvörðun sem Ólafur er hundfúll með.
,,Ég vil byrja á því að óska Víkingum til hamingju. Þegar þú vinnur þá áttu það sennilega skilið,“ sagði Ólafur.
,,Þetta lítur þannig fyrir mér út að þetta hafi verið glórulaus ákvörðun, algjörlega glórulaus ákvörðun.“
,,Að halda því fram að það sé ásettningur þarna, Pétur er með boltann og stígur niður og það vill svo til að leikmaður Víkings er í grasinu og ég sé ekki hvort hann fari í hann eða ekki.“
,,Fjórði dómarinn að taka þessa risa ákvörðun er algjörlega út í hött og það er ekki í fyrsta sinn í sumar þar sem allt í einu fjórði dómari tekur svona ákvörðun.“
Nánar er rætt við Óla hér.