Englandsmeistarar Manchester City verða án varnarmannsins Aymeric Laporte næstu sex mánuðina.
Þetta var staðfest í gær en Laporte meiddist í leik gegn Brighton þann 31. ágúst síðastliðinn.
Laporte er einn allra mikilvægasti leikmaður City og þykir vera besti varnarmaður liðsins.
Hann er þó að glíma við hnémeiðsli og mun því ekki spila meira á þessu ári sem er áfall fyrir City.
Það sama má segja um vængmanninn Leroy Sane sem sleit krossband í síðasta mánuði.