Jamie Carragher, fyrrum leikmaður Liverpool, viðurkennir að hann hafi haft rangt fyrir sér varðandi Raheem Sterling.
Sterling vakti fyrst athygli með einmitt Liverpool áður en hann var seldur til Manchester City fyrir 50 milljónir punda.
Carragher hélt að það væru frábær skipti fyrir Liverpool en Sterling hefur svo tekið ótrúlegum framförum undanfarin ár.
,,Ég bjóst aldrei við því að hann yrði svona góður og ég hélt að Liverpool hefði gert góða sölu,“ sagði Carragher.
,,Ég hafði rangt fyrir mér. Þegar ferillinn hans endar þá verður augljóst að City gerði frábær kaup fyrir þetta verð.“