Knattspyrnudeild Fylkis og Helgi Sigurðsson hafa komist að þeirri sameiginlegu ákvörðun að Helgi láti af störfum sem aðalþjálfari karlaliðs Fylkis eftir yfirstandandi keppnistímabil. Ákvörðunin er tekin í bróðerni og sátt beggja aðila. Þetta kom fram í gær.
Sögur um að Helgi myndi láta af störfum hafa lengi legið í loftinu, nú hefur það verið staðfest.
Ólafur Ingi Skúlason, fyrirliði liðsins hefur mest verið orðaður við starfið. Góðir kostir gætu þó verið í boði.
Helstu sögusagnir í Pepsi Max-deild karla tengjast því að Valur og Breiðablik, hugsi nú um að skipta um þjálfara. Því gætu Ólafur Jóhannesson og Ágúst Gylfason verið í boði í lok tímabils.
Hér að neðan eru sjö þjálfarar sem gætu tekið við Fylki.
Ólafur Ingi Skúlason
Sigurbjörn Hreiðarsson
Ólafur Jóhannesson
Ágúst Gylfason
Heimir Guðjónsson
Ejub Purisevic
Þorvaldur Örlygsson