Það eru sögusagnir í gangi með það að miðjumaðurinn N’Golo Kante sé á leið til Real Madrid á Spáni.

Í spænskum miðlum er talað um það að Real hafi reynt að fá Kante fyrir 100 milljónir punda í sumar.

Það gekk hins vegar ekki upp en Real á að hafa náð samkomulagi við Chelsea um að fá Kante í framtíðinni.

Chelsea hafði ekki áhuga á að missa Kante og Eden Hazard í sama glugga og var því ekki tilbúið að selja í sumar.

Sagt er þó að félögin hafi náð munnlegu samkomulagi um framtíðarkaup á leikmanninum.

Chelsea hefur lofað Real að láta vita ef annað félag býður í Kante og hvenær hann verður fáanlegur.