Það er útlit fyrir það að miðvörðurinn Kári Árnason sé meiddur og verði frá í nokkurn tíma. Kári spilaði með íslenska landsliðinu í gær sem mætti Albaníu í undankeppni EM ytra.
Kári virtist hafa tognað undir lok leiksins í gær en íslenska liðið þurfti að sætta sig við slæmt 4-2 tap. Afar litlar líkur eru því á að Kári verði heill fyrir helgina er Víkingur Reykjavík spilar við FH.
Um er að ræða úrslitaleik Mjólkurbikarsins og er þá mögulegt að Kári spili ekki meira á tímabilinu. ,,Ég talaði við hann fyrir klukkutíma, hann er að fara í myndatöku klukkan 16:00 í dag. Þá vitum við meira, þetta leit ekki vel út,“ sagði Arnar Gunnlaugsson, þjálfari Víkings við okkur í dag.
,,Ég hef góða reynslu af svona meiðslum, það er nánast vonlaust. Hann hefur lent í þessu aðeins áður, hann hefur ekki tognað mjög oft. Ég er að vona að hann viti ekki hvað tognun er, þá eru þetta bara krampar. Það er óskhyggja en ekki raunveruleikinn.“