Chelsea mun fá erfitt verkefni í nóvember er liðið spilar við hollenska stórliðið Ajax í Meistaradeildinni.
Ajax stóð sig frábærlega í Meistaradeildinni á síðustu leiktíð og fór alla leið í undanúrslitin.
Stuðningsmenn liðsins urðu sér þó oft til skammar og voru með mikil læti og þá sérstaklega á útivöllum.
Chelsea veit af látum hollenska félagsins og hefur aðeins samþykkt að láta félagið fá 833 miða á Stamford Bridge.
Venjan er að Chelsea leyfi gestunum að fá 3,000 miða á heimavöll sinn en þeir hollensku fá töluvert minna til að tryggja meira öryggi.