Aurelio de Laurentiis, forseti Napoli, skilur ekki stuðningsmenn liðsins sem nenna ekki að mæta á heimaleikina.
Aðeins um 28 þúsund manns mættu að meðaltali á heimavöll Napoli á síðustu leiktíð en völlurinn tekur 55 þúsund manns í sæti.
De Laurentiis er litríkur eigandi en hann segir að það séu of margir í borginni sem styðji við bakið á öðrum liðum.
,,Ég skil ekki af hverju Bari í C-deildinni er með fleiri ársmiðahafa en Napoli, jafnvel þó að við höfum lækkað verðið,“ sagði De Laurentiis.
,,Ég tel að margir í Napoli séu öfundsjúkir út í önnur lið, það eru margir sem styðja Juventus, Inter Milan og AC Milan.“
,,Þarf ég að kaupa Milan til að gera þá ánægða?“