Eiður Smári Guðjohnsen er byrjaður að reyna fyrir sér sem þjálfari en hann er aðstoðarþjálfari U21 landsliðsins.

Það er fyrsta þjálfara reynsla Eiðs en hann lagði skóna á hilluna í lok ársins 2017.

Eiður er að vinna í því að mennta sig í þjálfun og fær fullkomna reynslu á meðan hann gerir það.

,,Ég fæ reynsluna á meðan ég læri gráðurnar. Þetta er í raun fullkomlega sett upp,“ sagði Eiður við Goal.

,,Það er frábært. Þetta gefur mér tækifæri á að vera á vellinum með góðum leikmönnum.“

,,Þú reynir að nýta þér gæði allra þjálfara sem þú kynntist á ferlinum. Hvort sem það sé hvernig Jose Mourinho var einn á einn, hversu hávær Sam Allardyce var eða hvernig Pep Guardiola hugsaði um hlaup án bolta og að halda bolta.“

,,Hjá Barcelona spilaði ég fallegasta bolta ferilsins. Þar eru leikmenn að koma upp í aðalliðið eftir að hafa spilað eins með yngri liðunum síðan þeir voru krakkar.“

,,Þeim líður vel með aðalliðinu því þeir þekkja þetta. Þeir vita nákvæmlega hvernig leikstíllinn er.“