Jóhann Berg Guðmundsson var fjarri góðu gamni í kvöld er Ísland spilaði við Albaníu í undankeppni EM.
Jói Berg er að glíma við meiðsli en hann gat ekki tekið þátt gegn Moldóvu og svo Albaníu.
Ísland tapaði 4-2 í Albaníu í kvöld en frammistaða strákanna var ekki upp á marga fiska.
Jói sendir blaðamanni Vísis væna pillu eftir leik kvöldsins en hann lýsti leiknum í beinni á vefsíðu miðilsins.
,,Þessi frammistaða var ekki til þess að hvetja fólk til að mæta á Laugardalsvöll í næsta glugga,“ var skrifað á Vísi.
,,Fyrir utan fyrstu 20 mínúturnar eða svo í seinni hálfleik þá var ekki mikið að frétta og erfitt að segja annað en að Ísland hafi átt skilið að tapa.“
Jói sá þessi ummæli á miðlinum og var ekki nógu ánægður með hugarfarið en það var ekki uppselt á síðasta heimaleik gegn Moldóva.
,,Þvílíka þvælu commentið hjá þessum ágætu fréttamönnum hjá Vísi eftir ein slæm úrslit. Rífa sig í gang takk!“ skrifaði Jói.
Færslu hans má sjá hér.
Þvílíka þvælu commentið hjá þessum ágætu frèttamönnum hjá @visir_is eftir ein slæm úrslit. Rífa sig í gang takk! pic.twitter.com/8Wq7bw5HFH
— Johann B Gudmundsson (@Gudmundsson7) 10 September 2019