Harry Kane, leikmaður Tottenham, hefur aldrei dýft sér í leik en hann segir þetta sjálfur.
Kane var ásakaður um dýfu í síðasta leik er hann fékk vítaspyrnu í 2-2 jafntefli við Arsenal.
Kane hefur áður verið ásakaður um leikaraskap en hann neitar að hafa fiskað brot viljandi.
,,Ég hef aldrei hent mér í jörðina og vonandi þá þarf ég aldrei að gera það,“ sagði Kane.
,,Ég sagði eftir Arsenal leikinn að þetta hafi verið 50/50 brot. Svipað því og var ekki dæmt fyrir okkur á Wembley ári áður. Svona er fótboltinn.“
,,Ég nota líkamann minn vel og sem framherji þá þarftu að gera það.“