Huddersfield hefur fundið sér nýjan knattspyrnustjóra fyrir komandi leiki í Championship-deildinni.
Huddersfield byrjaði tímabilið afar illa í næst efstu deild eftir að hafa fallið úr úrvalsdeildinni fyrr á árinu.
Þjóðverjinn Jan Siewert var látinn fara fyrr í sumar en gengið undir hans stjórn var ekki gott.
Nú eru Cowley bræðurnir mættir til Huddersfield og munu reyna að rífa gengi liðsins upp.
Danny Cowley verður aðalþjálfari liðsins og Nicky, bróðir hans, verður honum til aðstoðar.
Þeir tveir náðu frábærum árangri með liði Lincoln og fengu nú stærra tækifæri.