Kári Árnason setti tvö mörk fyrir Víking Reykjavík í kvöld er liðið mætti HK í efstu deild karla.

Kári er ekki þekktur fyrir markaskorun en gerði tvö er Víkingar unnu mikilvægan 3-1 sigur.

,,Það var algjör óþarfi að hleypa þeim inn í leikinn í byrjun seinni hálfleiks en heilt yfir var þetta góð og þroskuð frammistaða,“ sagði Kári.

,,Auðvitað hættir maður að taka sénsa þegar þú ert með tveggja marka forystu og það eru 15 mínútur eftir og þá kannski dalar spilið aðeins en við sköpum færi á skyndisóknum.“

,,Arnar er búinn að vera gera góða hluti með það að sigla leikjunum heim, ekki vera bara í fram og til baka fótbolta eins og gerist.“

,,Ég skoraði sennilega tvö mörk síðast með Víking bara þegar ég var 17 eða eitthvað.“