Jóhannes Karl Guðjónsson, þjálfari ÍA, var óánægður með dómgæsluna í kvöld í 2-0 tapi gegn KR.
Jói Kalli kvartaði yfir þeim dómum sem féllu með KR í kvöld og segir að dómarinn hafi verið heldur flautuglaður.
,,Við erum fyrst og fremst svekktir yfir þessu marki sem KR skorar sem mér fannst aldrei verið aukaspyrna,“ sagði Jói Kalli.
,,Þetta eru þannig leikir og hafa alltaf verið þannig leikir að þetta eru hörkuleikir í gegnum tíðina og mér fannst dómarinn alltof flautuglaður.“
,,Hann var búinn að gefa þeim aðra aukaspyrnu sem var klárlega dýfa að mínu mati og svo fá þeir eitthvað 50-50 þar sem við hreinsum boltann í burtu og svo dæmir hann aftur aukaspyrnu sem þeir skora úr, ég er virkilega svekktur yfir því.“
Nánar er rætt við Jóa Kalla hér fyrir neðan.