Það fór fram stórleikur í Pepsi Max-deild karla í gær er Íslandsmeistarar Vals fengu Stjörnuna í heimsókn. Fjörið byrjaði snemma leiks en Patrick Pedersen skoraði mark eftir aðeins sjö mínútur fyrir Valsmenn.
Hilmar Árni Halldórsson jafnaði metin fyrir Stjörnuna á 28. mínútu með frábæru skoti fyrir utan teig.
Sölvi Snær Guðbjargarson kom svo Stjörnunni yfir, Stjarnan hélt svo að liðið hefði komist í 1-3 þegar Þorsteinn Már Ragnarsson kom boltanum yfir línuna. Á 74 mínútu dæmdi Helgi Mikael, dómari mark. 30 sekúndum síðar dæmdi hann markið af.
Síðan jafnaði Andri Adolphsson aftur fyrir heimamenn. Valsmenn fengu svo vítaspyrnu í blálokin en Patrick Pedersen klikkaði þar á punktinum. Haraldur Björnsson sá við honum og varði vel.
Dr. Football, HJörvar Hafliðason var með kenningu um málið. ,,AD1 segir við Hauk að Valsari hafi skallað boltann til Þorsteins Más. Haukur leiðréttir það og markið dæmt af. Sést í TV,“ sagði Hjörvar.
Umræðu um þetta má sjá úr Pepsi Max-mörkunum.