Hörður Björgvin Magnússon hefur farið vel af stað með CSKA Moskvu á þessu tímabili, í úrvalsdeildinni í Rússlandi.
Hörður er að hefja sitt annað tímabil með þessu stóra félagi og kemur hann vel út í samanburði við aðra eftir sex umferðir.
Þannig hefur enginn leikmaður í deildinni oftar hitt á samherja sinn úr sendingum. Hörður hefur í leikjunum sex sent 393 heppnaðar sendingar. Það gera rúmar 65 heppnaðar sendingar í hverjum leik.
Hörður leikur í hjarta varnarinnar hjá CSKA en hann hefur verið í lykilhlutverki í íslenska landsliðinu síðustu ár.
?? Hordur Magnusson has the best passing stats among #RPL after Week 6.
He made 393 acurate passes so far ?#CSKA pic.twitter.com/rDGsWRyzNO
— Russian Premier Liga (@premierliga_en) August 22, 2019