Jurgen Klopp, stjóri Liverpool, vill að James Milner, leikmaður liðsins, fari að róa sig aðeins í leikjum.
Milner er mikill vinnuhestur og hljóp endalaust í 2-1 sigri gegn Southampton um helgina.
Klopp hefur þurft að ræða við Milner og telur að hann hlaupi stundum einfaldlega of mikið í leikjum.
,,Svona er James Milner bara. Stundum tölum við um þetta og ég segi honum að hætta að hlaupa svona mikið því það er betra ef hann spilar aðra stöðu,“ sagði Klopp.
,,Þetta er samt allt í lagi og það er mikilvægt að vera með svona leikmenn í liðinu.“