Cristiano Ronaldo, leikmaður Juventus, telur að sagan muni dæma hann sem öflugri leikmann en Lionel Messi. Þeir félagar hafa skarað fram úr í meira en áratug á þessu sviði.
Ronaldo telur sig hafa afrekað meira, hann hafi unnið titla í þremur löndum sem sé ansi merkilegt.
,,Munurinn á mér og Messi er að ég hef unnið titla fyrir nokkur félög og unnið Meistaradeildina með tveimur,“ sagði Ronaldo.
,,Ég var markahæstur í Meistaradeildinni í sex ár í röð, það hafa ekki margir leikmenn unnið Meistaradeildina fimm sinnum. Ég tel mig tengjast þeirri keppni náið.“
,,Messi er frábær leikmaður, hans verður ekki bara minnst fyrir Gullknettina, heldur líka fyrir að hafa bætt sig á ári hverju, eins og ég.“
,,Ég vakna á hverjum morgni, æfi og vill afreka eitthvað meira. Ég vil ekki bara þéna peninga, mig vantar þá ekki. Ég vil skrifa nafnið í sögubækurnar.“
