Daniel James, 21 árs gamall leikmaður Manchester United skoraði í sínum fyrsta leik fyrir félagið í gær. James skoraði fjórða markið í 4-0 sigri á Chelsea.
James er efnilegur piltur sem Manchester United keypti í sumar, hann kom til félagsins frá Swansea.
Þegar James var að fara að skrifa undir hjá Manchester United í sumar, þá féll faðir hans skyndilega frá.
Það varð til þess að James skrifaði seinna undir hjá United en áætlað var. Faðir hans var hans stærsta fyrirmynd, markið í gær var tileinkað honum.
,,Það hefði verið magnað að hafa hann hérna í dag, en hann er ekki með okkur. Ég tileinka honum þetta mark,“ sagði James eftir leikinn.
James skoraði í æfingaleik fyrir rúmri viku. ,,Ég skoraði sigurmarkið í Cardiff í síðustu viku, það var magnað. Að skora svo í mínum fyrsta leik, ég hefði ekki getað skrifað þetta handrit.“