Jose Mourinho, fyrrum stjóri Manchester United, hefur ekki trú á því að liðið geti unnið ensku úrvalsdeildina á tímabilinu.
Mourinho ræddi við Sky Sports í gær og var spurður út í það hvaða lið gæti unnið deildina í vetur.
Þar nefndi Mourinho þrjú lið, Manchester City, Liverpool, Tottenham og svo varalið City.
Það vekur athygli að Mourinho hafi valið varalið City en hópur Englandsmeistarana er þó afar sterkur.
Leikmenn á borð við Leroy Sane, Bernardo Silva, Nicolas Otamendi, Ilkay Gundogan, Fernandinho og Gabriel Jesus gætu komið í liðið.
Er þetta sterkara lið en byrjunarlið United?