Hannibal Mejbri, er nýjasti leikmaðurinn í herbúðum Manchester United. Félagið kaupir þennan 16 ára dreng frá Monaco.
Mejbri var afar eftirsóttur biti en flest stórlið Evrópu vildu kaupa hann.
Sagt er að United borgi í kringum 9 milljónir punda fyrir Mejbri. ,,Þetta er heiður, Manchester United er með frábæra sögu. Þeir framleiða marga góða leikmenn,“ sagði Mejbri.
,,Þetta gefur mér tækifæri til þess að bæta mig og spila gegn þeim bestu. Ég hef horft á mikið af myndböndum, það hafa stór nöfn klæðst treyju Manchester United. Þetta er heiður.“
Mejbri er 16 ára gamall en hann er miðjumaður sem Frakkar hafa mikla trú á.
