Frank Lampard stjóri Chelsea var ekki sáttur með Jose Mourinho, sinn gamla stjóra eftir tap gegn Manchester United í gær.
Mourinho var sérfræðingur hjá Sky Sports í gær þegar Manchester United vann 4-0 sigur á Chelsea.
Mourinho gagnrýndi unga leikmenn Chelsea eftir tapið í gær. ,,Hann hefði getað valið lið með meiri reynslu,“ sagði Mourinho um liðsval Lampard.
,,Alonso var á bekknum, Kante var á bekknum, Giroud var á bekknum. Að koma á Old Trafford, þrátt fyrir að þetta sé ekki gamla Manchester United, þá er þetta Manchester United.“
,,Talsverð reynsla myndi hjálpa liðinu, þú skoðar frammistöðu Masoun Mount, Tammy Abraham og Christensen. Þú þarft aðeins meira í svona leik.“
Lampard var spurður um orð Mourinho eftir leik. ,,Var hann ósáttur við frammistöðu Masoun Mount? Nefndi hann Masoun Mount?,“ sagði Lampard sem var reiður.
,,Ég hef ekki áhyggjur af því sem aðrir segja, við trúum á þennan hóp.“