William Saliba er talinn vera á leið til Arsenal en hann mun kosta félagið 27 milljónir punda í sumar.
Saliba er aðeins 18 ára gamall en hann hefur spilað með Saint-Etienne í Frakklandi við góðan orðstír.
Tottenham hefur einnig sýnt leikmanninum áhuga en the BBC greindi frá því í gær að Arsenal hefði unnið kapphlaupið.
Saliba fær nú gagnrýni frá stuðningsmönnum Arsenal eftir að hafa ‘lækað’ færslu frá Nike á Instagram.
Þar var ný treyja Tottennham kynnt en mynd af framherjanum Harry Kane í treyjunni var birt.
,,Þú mátt ekki vera að ‘læka’ svona hluti þegar þú ert leikmaður Arsenal. Þú þarft að læra,“ skrifaði einn stuðningsmaður við færsluna.
Það er mikill rígur á milli Tottenham og Arsenal en bæði lið spila í London og er vinskapurinn sjaldan sjáanlegur.