Maurizio Sarri er svikari að mati Lorenzo Insigne sem spilar með Napoli á Ítalíu.
Sarri tók við Juventus í sumar en hann var áður stjóri Napoli og gerði þar ansi góða hluti.
Eftir stutt stopp hjá Chelsea er Sarri mættur heim en það skref er ekki eitthvað sem Insigne mun fyrirgefa bráðlega.
,,Ég hef sagt þetta áður og ég segi það aftur, fyrir okkur þá eru þetta svik,“ sagði Insigne.
,,Það mun vera þannig að eilífu. Við einbeitum okkur að okkur sjálfum og reynum að sigra hann, sama hvað það kostar.“
,,Hann er farinn til Juventus og ég vil ekki tala um hann lengur. Okkur dreymir um að vinna deildina og við reynum enn á ný.“